Օրերս ՀՀ վարչապետ Նիկոլ Փաշինյանի որոշմամբ Արեն Մկրտչյանը նշանակվել է վարչապետի օգնական:

«Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով՝ Արեն Մկրտչյանին նշանակել վարչապետի օգնական»,-ասված է որոշման տեքստում: 

Արենին շատերը կհիշեն բողոքի ակցիաների ժամանակ իր ակտիվ մասնակցությամբ: Ակցիայի լարված օրերին Ֆրանսիայի հրապարակում նա այլ ակտիվիստների հետ փորձում էր փակել ճանապարհը, երբ կանաչ գույնի «Մերսեդես» մակնիշի մենքնայի վարորդը, չցանկանալով կանգնեցնել մեքենան, նրան վրաերթի ենթարկեց։ 

Նշենք, որ նորանշանակ օգնականը մասնագիտությամբ լրագրող է, ավարտել է Երևանի պետական համալսարանը: 2011-2016 թթ. աշխատել է «Ժամանակ» օրաթերթում և 1in.am լրատվական կայքում, 2012-ից 2016 թվականը  «1in.am սպորտ»-ի խմբագիրն է եղել:

ArenaNews.am