ԱՄՆ-ում աշակերտուհի Բրուք Միլսը նկարվել է ծառի մոտ և հազիվ է փրկվել օձի խայթոցից: Այս մասին հայտնում է WBRL-ը:

Լուսանկարն արել է աղջկա մայրը, որը պատմում է, որ աղջկան երկու անգամ նկարել է և հետո նկատել ծառի վրայի օձին:

«Ես ասացի Բրո´ւք, արի´ այստեղ, իսկ նա դեռ ցանկանում էր մի քանի անգամ էլ նկարվել: Եվ հենց այդ ժամանակ ասացի, որ նա արագ հեռանա այդտեղից: Ես շատ հանգիստ ասացի, բայց դեմքիցս զգացվում էր ամբողջ լարվածությունն ու վախը»,- ասել է աշակերտուհու մայրը:

Օձը չի հասցրել խայթել աղջկան, փոխարենը աղջիկը հիմա ունի լուսանկար, որն արագորեն տարածվել է համացանցում: