Բրիտանական Daily Mail պարբերականն ուշագրավ անդրադարձ է կատարել Կալիֆոռնիայի հյուսիսում բնակվող մի ընտանիքի, որտեղ 43-ամյա մայրն այնքան երիտասարդ և թարմ տեսք ունի, որ անծանոթները կարծում են, թե նա ու 19-ամյա դուստրը քույրեր են:

Չնայած որ մոր և դստեր միջև 23 տարվա տարիքային տարբերություն կա, Ջոլին Դիասը արտաքին գրավչությամբ ամենևին էլ չի զիջում իր դստերը:

Միայնակ մայրը պատմել է, որ մաշկի թարմությունը պահպանում է առողջ սննդի, ակտիվ կենսակերպի շնորհիվ, հազվադեպ է ալկոհոլ օգտագործում, շատ է հանգստանում:

Մայրը՝ ձախ կողում

Նա մանրամասնել է, որ կնոջ գեղեցկության գրավականն առողջ, փայլուն մաշկն է, որի խնամքով ինքը սկսել է զբաղվել տասներկու տարեկանից՝ մայրիկից գաղտնի մաշկի խնամքի պարագաներ օգտագործելով:

«Իմ դեպքում էական արդյունավետություն ապահովեց տրետինոինը (դեղորայք, որն օգտագործվում է ակնեի բուժման համար): Ես այն մեկուկես տարի եմ օգտագործում ու մաշկիս որակը լավանում է»,-պատմել է տարրական դասարանների ուսուցչուհին:

Նա ընդգծել է, որ Կալիֆոռնիայում բնակվելու փաստը ենթադրում է, որ նախևառաջ հարկավոր է մաշկը պաշտպանել արևի ճառագայթներից և դա անել նույնիսկ անձրևոտ, անարև օրերին:

«Բացի այդ, ես պարտադիր վիտամին C եմ օգտագործում»,-հավելել է գեղեցկուհին:

Դիասի համոզմամբ՝ երիտասարդ և թարմ տեսք ունենալու հարցում իրեն օգնում է նաև ամեն ինչին թեթև նայելու հատկությունը:

«Ես լավատես եմ և չեմ փորձում չափից ավելի անհանգստանալ անցյալի կամ էլ մտածել ապագայի խնդիրների մասին»,-ասել է կինը:

Նա պատմել է, որ սոցցանցերում հաճախ են հանդիպում հետևորդներ, որոնք հրաժարվում են հավատալ, որ ինքն ու դուստրը հասակակիցներ կամ քույրեր չեն:

Աղբյուրը՝ tert.am