ԱՄՆ Քանզաս նահանգի Ջոնսոն շրջանի միայնակ բնակիչը խոստացել է 25 000 դոլար վճարել ցանկացած մարդու, որը նրա համար իր երազանքների կնոջ հետ հանդիպում կկազմակերպի, հայտնում է cbsnews.com կայքը:

Նման կերպով 47-ամյա Ջեֆ Գեբհարթը որոշել է ոչ միայն իր անձնական կյանքը կառուցել, այլ նաև անօթևան շների համար նախատեսված մերձակա ապաստարանին օգնել: Նա յուրաքանչյուր ցանկացողի առաջարկում է փորձել իրեն լիովին համապատասխան կին գտնել, իսկ դրա փոխարեն խոստանում է 25 000 դոլար վճարել, ինչպես նաև նույնքան գումար էլ փոխանցել ապաստարանի հաշվեհամարին: Այս գաղափարի շուրջ նա մտածել է վերջին վեց ամսվա ընթացքում:

Գեբհարթը խոստովանել է, որ հոգնել է անվերջ հանդիպումներից և առցանց ծանոթություններից: Հայտարարության մեջ տղամարդը հետաքրքրվել է հաջող ամուսնության մեջ գտնվողներից, թե որքան գումար կգնահատեին իրենց երկրորդ կեսի հետ հանդիպումը:

«Աղջիկ գտնելու իմ փնտրտուքներին և ծախսված ժամանակին կարելի է գումարային համարժեքը գտնել, ի դեպ, նույնքան գումար էլ ես կծախսեի ժամադրությունների համար»,- նշել է նա:

Մինչ այդքան անսովոր հայտարարություն անելը, նա խորհրդակցել է ընկերների հոտ, որոնցից շատերը հոգեբաններ են: Վերջիններս միասին ոչ մեծ հարցաշար են կազմել, որով ավելի հեշտ կլինի Գեբհարթի համար համապատասխան զույգ գտնել:

Աղբյուրը՝ tert.am