Միչիգանի համալսարանը եկել է եզրակացության. եթե ամուսիններից մեկն առողջ է, ապա այն պաշտպանում է մյուսին Ալցհեյմերի հիվանդությունից, թուլամտությունից և ընդհանուր կոգնիտիվ ունակությունների թուլացումից, գրում է Eurek Alert- ը: Այդպիսի առողջ զուգընկերը կարող է մյուս զուգընկերոջը մղել սպորտով զբաղվելու, անցնելու առողջ սննդի: Նա նաև կհիշեցնի նշանակված դեղամիջոցների մասին:

Նաև զուգընկերոջ լավատեսական տրամադրությունն ինքնին դրական է ազդում երկրորդ կեսի վիճակի վրա: Լավատեսությունը, մասնագետների կարծիքով, հաճախ կապված է առողջ ապրելակերպի հետ: Սա վկայում է մոտավորապես 4,500 հետերոսեքսուալ զույգերի ութամյա դիտարկումը:

Ի դեպ, նախորդ ուսումնասիրությունը ցույց է տվել, որ սրտի կամ ուղեղի կաթվածի վտանգն ավելի քան երեք անգամ իջեցնելու համար հարկավոր է ավելի դրականորեն նայել կյանքին: Մասնագետները վերլուծել են աշխարհի տարբեր մասերից հազարավոր մարդկանց տվյալները: Պարզվել է, որ լավատեսները 14% -ով ավելի քիչ են վաղաժամ մահանում սիրտ-անոթային հիվանդություններից, քաղցկեղից, թուլամտությունից, շաքարախտից և 35% -ով ավելի քիչ սրտի կաթված և սրտի նոպաներ են ունենում:

Փորձագետները կարծում են, որ լավատեսները հաճախ վարում են առողջ ապրելակերպ, ճիշտ են ուտում, ավելի լավ են հաղթահարում սթրեսը, անհանգստությունը, որոնք, ինչպես գիտեք, բացասաբար են անդրադառնում սրտի վրա: Ըստ բազմաթիվ դիտարկումների՝ դրական տրամադրվածությունն իջեցնում է արյան ճնշումը և խոլեստերինի մակարդակը:

Աղբյուրը՝ shantnews.am