Հնդկաստանի Հիմաչալ Պրադեշ նահանգից լուսանկարիչ, 48-ամյա Պրակաշ Բադալը մեկնել է Չակկի Մոր գյուղ վայրի թռչուններին լուսանկարելու համար: Սակայն տղամարդը չի կարողացել անտարբեր անցնել, երբ տեսել է, թե ինչպես է շունը խաղում փոքրիկ կապիկի հետ:

Պարզվել է, որ կապիկի մայրը թունավորվել է տեղի բնակիչների կողմից, քանի որ այդ պրիմատները ոչնչացնում են բերքը: «Ես հասկացա, որ շունը գտել է լքված փոքրիկ կապիկին, և մայրական բնազդը թույլ չի տվել, որ նրան մենակ թողնի», պատմել է Բադալը: Շունը պատսպարել է նրան՝ չնայած այն բանին, որ շներն ու կապիկները դժվարությամբ են հանդուրժում միմյանց:

«Կարծում եմ, որ սա լավ դաս է բոլոր մարդկանց համար, ովքեր եսասիրություն են դրսևորում»,- նշել է Բադալը: