Պարետի որոշմամբ մի շարք տնտեսվարողների գործունեությունն արգելվել է այսօր` 6 ժամով
ՀՀ առողջապահական և աշխատանքի տեսչական մարմինը շարունակում է լայնածավալ մշտադիտարկումը մայրաքաղաքում և մարզերում։ Դրանց համար հիմք են ընդունվում նաև ՀՀ ԱԱՏՄ թեժ գծով և ֆեյսբուքյան էջին ստացված դիմում-բողոքները։ Այս մասին հայտնում են առողջապահական և աշխատանքի տեսչական մարմնից:
Պարետի որոշմամբ մի շարք տնտեսվարողների գործունեությունն արգելվել է այսօր` 6 ժամով։ Պարետ Տիգրան Ավինյանը սահմանափակումների վերաբերյալ որոշում է ստորագրել: Արգելվել է սուպերմարկետների, թերթի կրպակի, արտադրության գործունեության ծավալումը Երևանում, Ծաղկաձորում, Մխչյանում, Այնթապում և այլն։
Արձանագրվող կոպիտ խախտումներն առնչվում են աշխատողների առողջության պահպանման ու անվտանգության ապահովման նորմերը չպահպանելուն, մասնավորապես, աշխատողներին դիմակներ ու ձեռնոց չտրամադրելուն, աշխատատեղերի միջև երկու մետր հեռավորությունը չպահպանելուն, հագուստի առանձին հանդերձապահարաններ չապահովելու և այլն։
Բոլոր այս նորմերը սահմանված են պարետի որոշմամբ հաստատված ուղեցույցով։ Դրանց պահպանումը պարտադիր է արտակարգ պայմաններում գործելու թույլտվություն ունեցող բոլոր տնտեսվարողների համար։ Խախտումների համար սահմանված են պատասխանատվության միջոցներ։
Հարակից նյութեր
