Նա տեղեկացրել է, որ սցենարով նույնպես երկու ամիս անցել է, հերոսները հայտնվել են նոր իրավիճակում. «Նոր մեկնարկ կլինի: Գլխավոր հերոսը, ում մարմնավորում է Զիրոյանը, վերջին սերիաներում երկրում չէր, նոր սցենարով նա կվերադառնա եւ իր շուրջ նոր իրականություն կտեսնի»

Դերասանական կազմում եւս փոփոխություններ կան, նախագծում չեն նկարահանվի Հայկ Հովհաննիսյանն ու Արա Դեղտրիկյանը. «Վերջինս այս շրջանում երկրում չէ, իսկ Հայկի հետ բանակցությունները վարել են ռեժիսորն ու պրոդյուսերը, ես որպես սցենարիստ չեմ միջամտել այդ ամենին: Նրանց կփոխարինեն Կարապետ Եղոյանը եւ Սեւակ Սանթրոսյանը, եւ վստահ եմ, որ իրենց մոտեցումն ու մեկնաբանությունը նույնպես թարմություն կհաղորդեն նախագծին»:

Անին շնորհակալություն է հայտնել նաեւ իրենց հավատարիմ երկրպագուներին. «Այս ամիսների ընթացքում նրանք ոչ մի վայրկյան մեզ չեն մոռացել, մշտապես տարբեր մեկնաբանություններ են արել եւ տեղեկացրել, որ սպասում են մեր վերադարձին, ինչի համար շատ շնորհակալ ենք»:

Աղբյուրը՝ bravo.am