Կորեական դորամաները շարունակում են գրավել հայկական եթերն ու իրենց շուրջ համախմբել ընտանիքի բոլոր անդամներին։ «Արևի հետնորդները», «Սերը լուսնի լույսի տակ», «Հվարան» դորամաների ցուցադրությունը հաջողելուց հետո «Շանթ» հեռուստաընկերությունը նորություն ունի և այս անգամ բացառապես Shant Digital TV հավելվածի օգտատերերի համար․ սեպտեմբերի 15-ից վերջիններս
հնարավորություն կունենան հայերեն թարգմանությամբ հետևել կորեական ամենավարկանիշային դորամաներից «Ազդանշանին»։

Դորամաներին հատուկ ոչ երկար սյուժեով և դինամիկ ընթացքով «Ազդանշանը» հետախույզների, ոստիկանների ու սպանությունների բացահայտման մասին պատմող ֆանտաստիկ պատմություն է՝ հիմքում ունենալով նաև իրական կյանքից վերցված քրեական դեպքեր, Կորեայում տեղի ունեցած սերիական սպանություններ։

Դորաման Կորեայում հեռարձակվել ու ցնցող հաջողություն է գրանցել դեռ 2016 թվականին․ սերիալի գլխավոր դերերում կորեացի սիրված դերասաններ Լի ջե Հունն է, Քիմ հե Սունն ու Չո ջին Վունգը։ Դորաման տեղի լսարանի մոտ ռեկորդներ է սահմանել՝ կաբելային հեռուստատեսության պատմության մեջ գրանցելով ամենաբարձր դիտողականությունը՝ լսարանի գագաթնակետային թվով 12,54%:
Թե ինչպես հետախույզները կկարողանան լուծել հանցագործությունների խճճված թնջուկը, ինչ ընթացք կունենան դորամայի լարված դրվագները կոերական սերիալների սիրահարները կդիտեն սեպտեմբերի 15- ից։

Իսկ մինչ այդ, դորամայի ցուցադրությանը զուգահեռ մեկ այլ հաճելի նորություն՝ այս անգամ մրցույթի տեսքով՝ բաժանորդագրման նվեր փաթեթ՝ Shant Digital TV-ի կողմից։ Մրցույթի անցկացման պայմաններին կարող եք ծանոթանալ այս հղմամբ։