Ազատության հրապարակում հանրահավաքը մեկնարկել է
Ազատության հրապարակում մեկնարկել է «Հայրենիքի փրկության շարժում» կուսակցությունների խմբի հանրահավաքը: Հարթակից ելույթ է ունեցել վարչապետի միասնական թեկնածու Վազգեն Մանուկյանը: Դիմելով ներկաներին՝ Վազգեն Մանուկյանը ելույթը սկսել է պատմական ակնարկով և հիշեցրել, որ Ազատության հրապարակում երեք տասնամյակ առաջ կրկին հավաքվել է ժողովուրդը և որոշել Արցախի ապագան:
Այնուհետև Վազգեն Մանուկյանն իր դժգոհությունն է արտահայտել երկրում տիրող իրավիճակի շուրջ և պնդել, որ կառավարությունը պետք է լուծարվի, իսկ Նիկոլ Փաշինյանը հրաժարական ներկայացնի:
«Մեր պայքարը պիտի ունենա մերժում ներկայի և սաղմեր ապագայի: Պետք է հզորացնենք մեր բանակը: Արագորեն պիտի հարբերություններ ստեղծենք ոչ միայն Ռուսաստանի, այլև Իրանի, հետո նաև այլ հարևանների հետ: Անելիքներ շատ կան, բոլորը կանենք, ուղղակի հավատացեք ձեր ուժերին»,-ասել է Վազգեն Մանուկյանը: