Դերասանուհի, ՀՀ վաստակավոր արտիստ Լուսինե Կիրակոսյանը մարտի 17-ին ծանր վիճակում տեղափոխվել է «Էրեբունի» բժշկական կենտրոնի վերակենդանացման բաժանմունք:

«Արմենպրես»-ի թղթակցին այս մասին հայտնել է բժշկական կենտրոնի հասարակայնության հետ կապերի պատասխանատու Շուշան Հունանյանը:

«Նա այժմ վերակենդանացման բաժանմունքում է: Վիճակը ծանր է»,-նշել է խոսնակն ու հավելել, որ բժիշկները պայքարում են Կիրակոսյանի կյանքի համար:

«Դերասանուհին մեզ մոտ է տեղափոխվել շնչառական խնդիրներով: Ախտորոշումը ձեռքիս տակ չէ»,-շեշտել է Հունանյանը:

Ըստ նախնական տեղեկությունների ՝ դերասանուհու մոտ ախտորոշվել է երկկողմանի թոքաբորբ։