Ֆրանսիայի նախագահ Էմանուել Մակրոնը հեռախոսազրույց է ունեցել Ուկրաինայի նախագահ Վլադիմիր Զելենսկիի հետ, հայտնում է Ելիսեյան պալատը։ Զրույցի ընթացքում Ֆրանսիայի ղեկավարը նշել է Փարիզի պատրաստակամությունը՝ շարունակելու օգնություն ցուցաբերել Կիևին, փոխանցում է ՏԱՍՍ-ը։

Նշվում է, որ Մակրոնը Զելենսկիին վստահեցրել է, որ եվրոպական երկրները համակարգում են իրենց գործողությունները՝ Ուկրաինային երկարաժամկետ ռազմական օգնություն տրամադրելու համար։ Նա նաև ընդգծել է, որ Ֆրանսիան մտադիր է շարունակել օգնել Ուկրաինային անհրաժեշտ ամեն ինչով, որպեսզի նա կարողանա պաշտպանել իր ինքնիշխանությունը։