Արգենտինայի հավաքականի հարձակվող Լիոնել Մեսսին մեկնաբանել է Բրազիլիա-Արգենտինա խաղից առաջ տեղի ունեցած անկարգությունները:

«Տեսանք, թե ինչպես էին ոստիկանները ծեծում մարդկանց, իսկ մեր ընտանիքները տրիբունաներում էին։ Նույն դեպքը տեղի ունեցավ Կոպա Լիբերտադորեսի եզրափակիչում։

Խաղացողներին ավելի շատ անհանգստացնում էր այն, ինչ կատարվում է տրիբունաներում»,- խաղից հետո ասել է Մեսսին։

Բրազիլիա – Արգենտինա հանդիպման մեկնարկը հետաձգվել էր մարզադաշտում երկրպագուների և ոստիկանների միջև ծեծկռտուքի պատճառով։ Արգենտինայի հավաքականն արդյունքում լքել էր խաղադաշտը և վերադարձել տրիբունա: Ավելի ուշ հանդիպումը մեկնարկել էր, և Արգենտինայի հավաքականը նվազագույն հաշվով հաղթանակ էր տարել: