Իսպանիայի առաջնության 14-րդ տուրում չեմպիոն «Բարսելոնան» հյուրընկալվել էր «Ռայո Վալիեկանոյին»։ խաղն ավարտվել է ոչ ոքի՝ 1:1 հաշվով:

39-րդ րոպեին խաղի հաշիվը բացել է դաշտի տերերի կիսապաշտպան Ունայ Լոպեսը։ Իսպանացի Չավիի գլխավորած թիմը պարտությունից խուսափել է «Ռայո Վալիեկանոյի» պաշտպան Ֆլորիան Լեժյոնի ինքնագոլի շնորհիվ։

«Բարսելոնան» 31 միավորով երրորդն է և 1 միավոր է հետ երկրորդ տեղում գտնվող Մադրիդի «Ռեալից», որը 1 հանդիպում քիչ է անցկացրել։ «Ռայո Վալիեկանոն» 8-րդն է՝ 19 միավոր։ Առաջատար «Ժիրոնան» է, որը 13 խաղից հետո ունի 34 միավոր։