Հայտնի է Աֆրիկայի լավագույն ֆուտբոլիստը և խորհրդանշական հավաքականը
Իտալիայի չեմպիոն «Նապոլիի» նիգերիացի հարձակվող Վիկտոր Օսիմհենը ճանաչվել է 2023թ․ Աֆրիկայի լավագույն ֆուտբոլիստ։
Քվեարկության արդյունքում Նիգերիայի հավաքականի խաղացողն առաջ է անցել Մոհամեդ Սալահից («Լիվերպուլ», Եգիպտոս) և Աշրաֆ Հակիմիից (ՊՍԺ, Մարոկկո)։
Տարվա լավագույն մարզիչ է ճանաչվել Վալիդ Ռեգրագին, որի գլխավորությամբ Մարոկկոյի հավաքականն ԱԱ-2022-ում հասել էր կիսաեզրափակիչ։
Ներկայացվել է նաև տարվա խորհրդանշական հավաքականը։
Դարպասապահ․ Անդրե Օնանա («Մանչեսթեր Յունայթեդ», Կամերուն)։
Պաշտպաններ․ Աշրաֆ Հակիմի (ՊՍԺ, Մարոկկո), Շանսել Մբեմբա («Մարսել», Կոնգոյի Դեմոկրատական Հանրապետություն), Կալիդու Կուլիբալի («Ալ Հիլալ», Սենեգալ)։
Կիսապաշտպաններ․ Անդրե-Ֆրանկ Զամբո-Անգիսա («Նապոլի», Կամերուն), Մոհամեդ Կուդուս («Վեսթ Հեմ», Գանա), Սոֆիան Ամրաբատ («Մանչեսթեր Յունայթեդ», Մարոկկո), Թոմաս Փարթի («Արսենալ», Գանա)։
Հարձակվողներ․ Մոհամեդ Սալահ («Լիվերպուլ», Եգիպտոս), Սադիո Մանե («Ալ Նասր», Սենեգալ), Վիկտոր Օսիմհեն («Նապոլի», Նիգերիա)։