Մադրիդի «Ռեալի» նախկին ֆուտբոլիստ Գուտին վստահ է, որ Կիլիան Մբապեն կտեղափոխվի արքայական ակումբ։

«Մբապեի երազանքը տեղափոխությունն է «Ռեալ», իսկ «Ռեալի» երազանքը Մբապեին ձեռք բերելն է։ Ի վերջո, նրանք ստիպված կլինեն պայմանավորվել։ Խնդիրը միայն ֆուտբոլը չէ, սա բիզնես է։ Ֆլորենտինո Պերեսն ամբողջ կյանքի ընթացքում զբաղվում է դրանով, այդ պատճառով էլ «Ռեալի» լավագույն նախագահն է։

Ֆլորենտինո Պերեսը նման գործարքներ է կատարել Ֆիգուի, Բեքհեմի, Ռոնալդուի, Զիդանի տրանսֆերների դեպքում, հիմա նույնը կանի Մբապեի հետ։ Այլ տարբերակ չկա»,- Գուտիի խոսքերը մեջբերում է Marca-ն։

Մբապեի պայմանագիրը ՊՍԺ-ի հետ նախատեսված է մինչև այս մրցաշրջանի ավարտը։