1. Նրանք բացարձակապես անկախ են: Ուժեղ կինը գիտի, թե կյանքից ինչ է ուզում, եւ, որն ամենակարեւորն է, գիտի, որ դրան պետք է ինքնուրույն հասնի: Եվ սա նրան չի վախեցնում: Սա շատ կարեւոր է հարաբերություններում, հատկապես տղամարդկանց համար: Ոչ ոք չի սիրում զգալ, որ ինքը որեւէ մեկի երջանկության միակ գաղտնիքն է: Օտար երջանկության համար պատասխանատու լինելը տղամարդկանց վախեցնում է: Դուք պետք է միմյանց լրացնեք, այլ ոչ թե լինեք ամբողջ կյանքի իմաստը:

2. Ուժեղ կինը տղամարդու կարիք չունի, բայց ցանկանում է ունենալ: Տղամարդիկ կանանց հուսահատությունը զգալու ինչ-որ վեցերորդ զգայարան ունեն, եւ դա սովորաբար նրանց դուր չի գալիս: Ուժեղ կնոջ համար տղամարդն իր կյանքում ոչ թե անհրաժեշտություն է, այլ ցանկություն: Շատ կարեւոր է սա հիշել, նույնիսկ եթե ձեզ տարիքը ճնշում է. օրինակ` դուք 40-ի շեմին եք եւ ցանկանում եք երեխա ունենալ, իսկ կողքին տղամարդ չկա: Ձեր հուսահատությունը հեռվից զգացվում է, այնպես որ` ձեր զգացմունքները վերահսկեք:

3. Ուժեղ կինն ինքնավստահ է: Նա գիտի` ինքն ով է եւ չի վախենում իրեն ցուցադրելուց: Ձեր արժեքի գիտակցումն ունեցեք, թե ինչ կարող եք տալ այս աշխարհին եւ տղամարդուն: Ինչ-որ առանձնահատուկ գրավիչ բան կա այն կնոջ մեջ, որն իրեն սիրում է (առողջ չափի մեջ), իր մարմնի մեջ իրեն հարմարավետ է զգում: Հենց սովորեք ձեզ սիրել, մյուս մարդիկ եւս կտեսնեն, թե ինչի համար ձեզ սիրեն:

4. Ուժեղ կինը չի խաղարկում: Տղաները, որոնք քո ժամանակին արժեն, կարիք չեն ունենա խաղարկելու, շուրջբոլորդ պտտվելու, ուստի դու էլ չպետք է խաղարկես: Ուժեղ կանայք բաց են շփվում` իմանալով, որ դա կարեւոր է ներդաշնակ հարաբերությունների համար: Արտահայտեք ձեր իսկական մտքերն ու զգացմունքները` դա ցույց է տալիս վստահության ձեր մակարդակը:

Աղբյուրը՝ news.am