ՀՀ ԱԻ նախարար Դավիթ Տոնոյանը դիմել է ՌԴ ԱԻ նախարար Վլադիմիր Պուչկովին՝ տրամադրելու հրդեհաշիջման աշխատանքներ իրականացնող ինքնաթիռ՝ «Խոսրովի անտառ» պետական արգելոցում բռնկված հրդեհի մարման աշխատանքներին աջակցելու համար: 

ԱԻՆ մամուլի ծառայությունից հայտնում են, որ ներկայումս նախապատրաստական աշխատանքներ են տարվում ինքնաթիռը Հայաստան բերելու ուղղությամբ:

Հրշեջ փրկարարները «Խոսրովի անտառ»-ում շարունակում են հրդեհի մարման աշխատանքները:

Հիշեցնենք, որ հըուլիսի 12-ին ժամը 12:30-ին, ԱԻՆ փրկարար ծառայությունում ահազանգ էր ստացվել, որ Արարատի մարզի Ուրցաձոր գյուղից մոտ 20 կմ հյուսիս՝ «Խոսրովի անտառ» պետական արգելոցում այրվում է բուսածածկ տարածք:

Աղբյուրը՝ panorama.am