Ամերիկյան NSYNC խումբը, որի կազմում ժամանակին ելույթ է ունեցել սիրված երգիչ Ջասթին Թիմբերլեյքը, աստղի կարժանանա Հոլիվուդի «Փառքի ծառուղում»՝ խմբի լուծարումից 16 տարի անց: Այս մասին հայտնում է Variety-ն:
«Հոլիվուդի առևտրային պալատը հպարտությամբ հայտարարում է, որ ապրիլի 30-ին NSYNC երաժշտական խումբը հոլիվուդյան «Փառքի ծառուղում» կարժանանա 2636 աստղին», – ասվում է պաշտոնական հայտարարությունում:
Աղբյուրը մանրամասնում է, որ NSYNC-ի աստղը տեղակայված կլինի այլ հայտնի խմբերի, այդ թվում՝ Backstreet Boys, Boyz II Men, New Kids On the Block և New Edition խմբերի աստղերի մոտ:
Նշվում է, որ միջոցառման ուղիղ հեռարձակմանը կարելի է հետևել «Փառքի ծառուղու» պաշտոնական կայքի միջոցով:

Աղբյուրը՝ tert.am