Ֆրանսիական Louis Vuitton Moet Hennessy (LVMH) ընկերությունների խմբի նախագահ Առնո Բեռնարը դարձել է Եվրոպայի ամենահարուտ մարդը: Ինչպես փոխանցում է Bloomberg գործակալությունը՝ ֆրանսիացու կարողությունը գնահատվում է 70.7 մլրդ դոլար:
Ամենահարուստ եվրոպացիների վարկանշային աղյուսակի վերին հորիզոնականում հայտնվել վերջինիս թույլ է տվել Christian Dior SE ընկերության գնանշումների աճը: Այսպիսով, գործարարն առաջ է անցել Inditex ընկերությունների խմբի (ներառում է Zara և Massimo Dutti ապրանքանիշերը) հիմնադիր, իսպանացի Ամասիո Օրտեգայից, որի կարողությունը կազմում է 70.2 մլրդ դոլար:
Աշխարհի ամենահարուստ մարդկանց ցուցակում LVMH-ի ղեկավարը հայտնվել է 4-րդ հորիզոնականում: Այս վարկանշային ցանկի առաջատարներն են Amazon-ի ղեկավար Ջեֆ Բեզոսը, Microsoft-ի հիմնադիր Բիլ Գեյթսը և Berkshire Hathaway ներդրումային հիմնադրամի ղեկավար Ուորեն Բաֆեթը:

Աղբյուրը՝ tert.am