Ամերիկյան Time ամսագիրը հրապարակել է տարվա 100 ամենաազդեցիկ մարդկանց ցանկը, որում ներառվել են քաղաքական, հասարակական, մշակութային գործիչներ, շոու բիզնեսի ներկայացուցիչներ, դերասաններ, մարզիկներ:
Այս կապակցությամբ ամսագրի համար ներկայացվել է 6 տարբեր շապիկ, որոնցից մեկը զարդարել է ցանկում ներառված երգչուհի, դերասանուհի Ջենիֆեր Լոպեսը:
Հայտնի է, որ ամսագիրն արդեն 15-րդ տարին է` ներկայացնում է 100 ամենաազդեցիկ մարդկանց ցանկը:
Այս տարվա ցանկում ներառված հանրաճանաչ դեմքերից են ԱՄՆ նախագահ Դոնալդ Թրամփը, կոնգրեսական Նենսի Փելոսին, Հյուսիսային Կորեայի առաջնորդ Կիմ Չեն Ընը, Ֆրանսիայի նախագահ Էմանուել Մակրոնը, Արգենտինայի նախագահ Մաուրիսիո Մակրին, Չինաստանի ղեկավար Սի Ծինփինը, երգչուհիներ Քարդի Բին, Ռիհանան, Ջենիֆեր Լոպեսը, ռեժիսոր Գիլյերմո դել Տորոն, թենիսիստ Ռոջեր Ֆեդերերը, դերասանուհիներ Գալ Գադոտը, Գրետա Գերվիգը, Նիկոլ Քիդմանը, արքայազն Հարին ու նրա հարսնացու Մեգան Մարքլը, Tesla-ի ղեկավար Իլոն Մասկը, հաղորդավարուհի Օփրա Ուինֆրին, այլք:

Հայտնի է, որ այս տարվա ցանկը ռեկորդ է սահմանել ներառված կանանց թվով՝ 45 կին:

Աղբյուրը՝ tert.am