Ինչպես ստանալ էքստրեմալ ֆոտոշարք՝ ոչ ոչ էքստրեմալ պայմաններում
Բրազիլացի ուսանողուհի Մարսել Ռանգել դա Կունան սոցկայքերի իր ընկերներին զարմացրել է նոր հրապարակած լուսանկարով, որում 21-ամյա աղջիկը կախված է ծովի մակերևույթից չափազանց բարձր գտնվող ժայռից՝ բռնված լինելով միայն սիրելիի ձեռքից:
Ինչպես նշում է The Daily Mail-ը, թեև լուսանկարը շատ տպավորիչ է, այնուհանդերձ՝ դրանում մի տարօրինակ բան կա: Աղջիկը մահացու վտանգավոր դիրքում է, նրա կյանքը կարծես մազից է կախված, սակայն, միևնույն ժամանակ, նա աներևակայելիորեն հանգիստ ու ժպտացող դեմք ունի:
Ավելի ուշ պարզվել է, որ Ատլանտյան օվկիանոսի ֆոնին արված լուսանկարն ամենևին էլ չի ֆիքսվել էքստրեմալ պայմաններում:
Այն արվել է Ռիո դե Ժանեյրոյից դեպի հարավ ընկած լողափերից մեկի մոտ: Իրականում աղջիկը չի բարձրացել ժայռի վրա, այլ կախվել է սրածայր քարի կտորից, ինչից հետո 3-րդ անձը ճիշտ ընտրված դիրքից լուսանկարել է: Արդյունքում ստեղծվել է այնպիսի տպավորություն, որ Կունան իսկական էքստրեմալ է:
Նշվում է, որ բրազիլուհուց բացի, քարի վրա նույնպիսի խաբուսիկ լուսանկար է արել նրա սիրելին:
Աղբյուրը՝ tert.am