Օգոստոսի 21-ին Միացյալ Նահանգների միլիոնավոր բնակիչներ ականատես են եղել հազվագյուտ բնական երևույթի՝ Արևի ամբողջական խավարման, որն անցած 99 տարվա մեջ առաջին անգամ էր ԱՄՆ-ում տեղի ունենում:

Bored Panda-ն ուշագրավ ֆոտոշարքով ի մի է բերել հազվագյուտ բնական երևույթի դիտարժան պահերը:

Հավելենք, որ ամբողջական խավարումը տեսանելի է եղել միայն 14 նահանգի բնակիչների համար, մյուս նահանգների բնակիչները հետևել են մասնակի խավարմանը:

Հիշեցնենք, որ արևի ամբողջական խավարման դիտարժան երևույթին, որն ուղիղ եթերով հեռարձակել են բազմաթիվ լրատվամիջոցներ, հետևել է նաև ԱՄՆ նախագահական ընտանիքը։ Նրանք կառավարության մի շարք անդամների հետ դուրս են եկել Սպիտակ տան պատշգամբ ու հատուկ ակնոցների միջոցով նայել արևի ու լուսնի էպիկական «հանդիպմանը»: Ի դեպ, նախագահը սկզբում հրաժարվել է խավարմանը նայել հատուկ ակնոցի միջոցով՝ նախընտրելով կկոցել աչքերը, բայց հետո տեղի է տվել ու օգնականից վերցրել ակնոցը:

Աղբյուրը՝ tert.am