Հուզիչ էր. Ուսանողները գումար են հավաքել հավաքարարին հանգստի տոմս նվիրելու համար
Հեղինակավոր Բրիստոլի համալսարանի ուսանողները ցավ են ապրել հավաքարարի համար, որը ավելի քան 50 տարի չէր եղել հայրենիքում և գումար հավաքել նրան տոմս գնելու համար։
Մեծ Բրիտանիայում Բրիստոլի համալսարանի ուսանողներն ավելի քան 2 հազար դոլար են հավաքել Յամայկայից իրենց մոտ աշխատող հավաքարարի համար։ Այս մասին հայտնում է BBC–ն։
Հավաքարար Հերման Գորդոնը դեռ 1967 թվականին 15 տարեկանում Յամայկայից Բրիտանիա էր տեղափոխվել։ Դրանից հետո նա երբեք հայրենիք չէր վերադարձել։ Գորդոնը խոստովանել է, որ սիրում է ուսանողների հետ զրուցել եղանակի և ֆուտբոլի մասին, երբեմն էլ փորձում օգնել նրանց ուսման հարցում, թեև ինքը թողել է դպրոցը 15 տարեկանում։
Գորդոնին արձակուրդ ուղարկելու գաղափարն ուսանողներից մեկինն էր։ Նա համալսարանի Facebook–յան էջում անանուն գրառում էր արել։ 5 օրվա ընթացքում ավելի քան 230 ուսանող էր գումար նվիրաբերել։
«Գորդոնը երջանկության մարմնացում է։ Եկեք, օգնենք նրան», – գրված էր գրառման մեկնաբանություններում։
Տարեց տղամարդը հուզվել էր, երբ ուսանողները նրան ընծայեցին Յամայկայի մեկ շաբաթվա ուղևորության համար նախատեսված գումարը։ Յամայկա նա կմեկնի կնոջ հետ։
«Նա այնքան հուզված էր, երբ զանգահարեց ինձ, որ խոսել չէր կարողանում, նա պարզապես լալիս էր հեռախոսի մեջ», – պատմում է Գերմանի կինը` Դենիզը։
Դեմիզը նաև ասել է, որ ապշած է ուսանողների առատաձեռնությունից և բարիությունից։ Հուլիսին զույգը նշելու է իրենց հարսանիքի 23-ամյակը։
Աղբյուրը՝ armeniasputnik.am