Ամերիկյան System Of A Down ռոք խմբի մենակատար Սերժ Թանկյանը դիմել է Նոր Զելանդիայի կառավարությանը՝ պահանջելով ճանաչել 1915թ. Օսմանյան կայսրությունում Հայոց ցեղասպանությունը: Նորզելանդական Newshub.com պարբերականը հրապարակել է հոդված, որը վերնագրված է «Ռոք աստղն ընդդեմ Ուինսթոնի»:

Հոդվածագիրը Թանկյանին հարց է ուղղել՝ կցանկանա՞ր արդյոք նա, որ ԱԳ նախարար Ուինսթոն Փիթերսը «ցեղասպանություն» եզրույթն օգտագործի: Թանկյանը դրական պատասխան է տվել:

«Հայոց ցեղասպանությունը ճանաչել են մի շարք երկրներ, այդ թվում՝ ԱՄՆ-ն, Ռուսաստանը, Ֆրանսիան, Եվրոպական Միությունը, Վատիկանը»,- ասել է երաժիշտը:

Ինքը՝ նախարարը, չի ցանկացել պատասխանել Հայոց ցեղասպանության մասին հարցին և «խուսափել է» լրագրողներից: Երկրի ԱԳՆ-ում հայտարարել են, որ Նոր Զելանդիան կողմ է Հայաստանի ու Թուրքիայի հարաբերությունների կարգավորմանը:

Թանկյանը մտադիր է առաջիկայում հանդես գալ Նոր Զելանդիայի խորհրդարանում և պատմել Հայոց ցեղասպանության մասին: Պարբերականը նշում է, որ ԱԳՆ-ից որոշ պատգամավորների կոչ են արել ներկա չլինել այդ միջոցառմանը: Թանկյանն այդպիսի մոտեցումն «ամոթալի» է համարել:

Աղբյուրը՝ shantnews.am