Աղջիկը ծննդյան օրը շահել է 1 մլն դոլար
Ամերիկայի Վիրջինիա նահանգի Ստերլինգ քաղաքի բնակիչն իր ծննդյան օրը 1 միլիոն դոլար է շահել:
Այդ մասին հայտնում է UPI-ն:
Մարտի 5-ին Ռոբին Լաուլերը նշել է իր ծննդյան տարեդարձը և որոշել է ակնթարթային վիճակախաղի տոմս գնել: Նա ջնջել է պաշտպանիչ շերտը և պարզել, որ հաղթող է:
Սկզբում Ռոբինը որոշել է, որ կարող է ստանալ միայն 600 դոլար, բայց հետո հասկացել է, որ շահել է մեկ միլիոն դոլարի գլխավոր մրցանակը:
«Ես պապանձվել էի, – պատմել է նա, – Ես նայեցի տոմսը և ասացի. «Ի՞նչ է սա»:
Վիճակախաղի պայմանների համաձայն` ամբողջ գումարը շահողը կարող է ստանալ մաս-մաս` տևական ժամանակի ընթացքում: Միանգամից գումարը վերցնելու համար հարկավոր է հրաժարվել շահումի մի մասից: Լաուլերն ընտրել է միանգամյա վճարում և ստացել 601,7 հազար դոլար, որից նա ստիպված կլինի նաև հարկեր վճարել:
Աղբյուրը՝ shantnews.am