Սփյուռքի նախարար Մխիթար Հայրապետյանը ֆեյսբուքյան իր էջում տեսանյութ է հրապարակել, որով տեղեկացնում է, որ «Քայլ դեպի տուն» ծրագրի մասնակիցներից մեկին կհյուրընկալի վարչապետի ընտանիքը:

Նախարարի խոսքով, այս տարի Հայաստան այցելող սփյուռքահայ երիտասարդների ու պատանիների աննախադեպ թիվ է գրացվել: Հայաստան այցի եկող 500 պատանիներին ու երեխաներին տեղավորելու խնդիր կա ու նախարարությունը սպասում է հյուրընկալ ընտանիքների արձագանքին: Առաջին արձագանքը ՀՀ վարչապետի տիկնոջ՝ Աննա Հակոբյանի կողմից է եղել:

Ինքը Աննա Հակոբյանն էլ իր էջում տեղադրելով տեսանյութը, գրել է, որ սպասում են իրենց հյուրին, հուսով են, որ իրենց երեխաները կընկերանան նրա հետ։ «Կոչ ենք անում օգտագործել այս հնարավորությունը և հյուրընկալել սփյուռքից ժամանող երեխաներին»,-գրել է Ա. Հակոբյանը:

Աղբյուրը՝ armtimes.com