Բրիտանական Պորտսմութ քաղաքի բնակիչներից մեկն իր տան պարտեզում հայտնաբերել է 500 տարի առաջ պատրաստված արժեքավոր մետաղադրամ: Այս մասին հայտնում է Daily Mail- ը:

48-ամյա Ամանդա Ջոնսթոնը ձանձրացել է կորոնավիրուսի ինքնամեկուսացման օրերին և որոշել է տան տարածքը 11-ամյա որդու՝ Ջորջի մետաղորսիչով զննել: Արդյունքում նրան հաջողվել է գտնել ոսկե մետաղադրամ, որը հատվել է Հենրի VII-ի օրոք: Մետաղադրամը շրջանառության մեջ է եղել 1464 թվականից ի վեր 200 տարի:

«Չեմ կարող հավատալ, որ մետաղադրամ եմ հայտնաբերել: Այն բավական բարակ է, բայց ես անմիջապես հասկացա, որ դրամը մեծ արժեք ունի»,- ասել է Ջոնսոնը:

Բրիտանուհին խոստովանել է, որ կցանկանար պահպանել գտածոն, բայց, ամենայն հավանականությամբ, ապագայում այն կվաճառի: Անցած տարի նման մետաղադրամը աճուրդում վաճառվել է 2,6 հազար ֆունտ սթեռլինգով:

Աղբյուրը՝ shantnews.am