Մահացել է Դուրգարյան Անժելո Հակոբի
Մահացել է Դուրգարյան Անժելո Հակոբի։
Ծնվել է 1928թ. փետրվարի 15-ին, Ջավախքի Գանձա գյուղում։ 1951թ ավարտել է ԵՊՀ քիմիայի ֆակուլտետը։ 1974թ-ին շնորհվել է պրոֆեսորի կոչում։
1951 թվականին ավարտել է Երևանի պետական համալսարանը և աշխատանքի է անցել համալսարանի օրգանական քիմիայի ամբիոնում։
Հայտնաբերել է քլորօքսիրանների փոխարկման 15 նոր ռեակցիաներ։ Զբաղվել է իոնական պոլիմերման և համապոլիմերման հարցերով։ Բացահայտել է կատիոնային համապոլիմերման ռեակցիայի նոր ակտ՝ ակտիվ կենտրոնի ծայրային միավորի տեղակալման ռեակցիան՝ համամոնոմերի և լուծիչի մոլեկուլներով։ Մշակել է օրգանական ցիկլային միացությունների անվանակարգման սկզբունքներ, սինթեզել նոր բարձր կիսահաղորդիչ, իոնափոխանակիչ, կոմպլեքսագոյացնող հատկություններ ունեցող պոլիմերներ։
Հեղինակել է շուրջ 125 գիտական աշխատանքի, ուսումնական ձեռնարկի։
Հոգեհանգիստը ս.թ. ապրիլի 5-ին, ժամը 17:00-ին, Զոլեր սրահ (Շահումյան գերեզմանոց)։
Ցավակցում ենք հարազատներին և մերձավորներին։