Հեռուստաընկերությունն առաջարկում է արձակուրդների ընթացքում հայկական լրահոսին հետևելու լավագույն տարբերակը
«Շանթ» հեռուստաընկերությունը վերջին մի քանի տարիների ընթացքում հաջորդաբար ներկայանում է նոր առաջարկներով՝
«Շանթ Պրեմիում» ալիքների փաթեթ,
կոնկրետ թիրախային լսարանների համար նախատեսված ալիքներ,
«ARM TVs» բջջային հավելված, որն իր մեջ ներառում է հայկական գրեթե բոլոր հեռուստաալիքները:
Այս ու նման այլ առաջարկների, սպասվող նորությունների մասին ArenaNews.am կայքը զրուցել է «Շանթ Պրեմիում»-ի կոմերցիոն տնօրեն Արսեն Բաբաջանյանի հետ:
– Պրն Բաբաջանյան, նախ կխնդրեմ նշեք «Շանթ» հեռուստաընկերության սովորական եթերի և «Շանթ Պրեմիում»-ի հիմնական տարբերությունները. ի՞նչ առավելություններ է տրվում «Շանթ Պրեմիումի» բաժանորդներին:
-«Շանթ Պրեմիում»-ը ապահվում է առանց գովազդային դադարների և HD որակի եթեր. այն ալիքների ընտանիք է, որը ստեղծվել է «Շանթ» հեռուստաընկերության արխիվի և նոր արտադրանքի հիման վրա: «Շանթ Պրեմիում»-ն իր մեջ ներառում է նույնանուն հեռուստաալիքը, «Շանթ Սերիալ»-ը, «Շանթ Մյուզիք»-ը, շուտով նաև «Շանթ Նյուզ»-ը:
«Շանթ Պրեմիում»-ով ցուցադրվում են նոր ֆիլմեր, սերիալներ, բազմաժանր հաղորդումներ: «Շանթ սերիալ» ալիքով շուրջօրյա հեռարձակվում են նոր, ինչպես նաև նախկինում նկարահանված, բարձր վարկանիշային սերիալներ: «Շանթ Մյուզիք»-ն իր մեջ ամփոփում է հեռուստաընկերության բոլոր երաժշտական հաղորդումները՝ «Ժողովրդական երգիչ», «Իմ անունն է», «Հայ սուպերսթար», « X Factor» և այլ նախագծեր: Այս հեռուսաալիքով, բնականաբար պահպանելով բոլոր հեղինակային իրավունքները, եթեր են հեռարձակվում նաև նոր կատարողների ստեղծագործությունները:
Հաջորդ ալիքը «Շանթ Նյուզ»-ն է, որը շուտով կմեկնարկի. դարձյալ 7/24 ձևաչափով այն կհեռարձակի Հայաստանից ու ամբողջ աշխարհից ամենահրատապ ու ամենակարևոր նորությունները:
Նշեմ, որ հատուկ Միացյալ Նահանգներում բնակվող հայերի համար կա նաև Shant Premium USA ալիքը:
-Հատկապես վերջին շրջանում շատ է խոսվում հեռուստաընկերության պաշտոնական հավելվածի մասին, ու՞մ է այն հասանելի և ի՞նչ եղանակով:
-ARM TVs հավելվածը հնարավորություն է տալիս պրեմիում 4 ալիքներից բացի դիտել ևս մի քանի հայկական ալիքներ («Կենտրոն» հեռուստաալիք, «Երկիր Մեդիա», «Հ 2»…) ամբողջ աշխարհում՝ բոլոր այն վայրերում, որտեղ կա ինտերնետ:
Արտերկրում ապրող մեր հայրենակիցները, բացի հավելվածից, հնարավորություն ունեն հետևել «Շանթ Պրեմիում»-ին իրենց երկրի կաբելային օպերատորների ցանցում: Մենք 1 տարուց ավել է, ինչ համագործակցում ենք ֆրանսիական այնպիսի կաբելային օպերատորների հետ, ինչպիսիք են՝ Free-ն և Orange-ը, Ռուսաստանի խոշոր կաբելային օպերատորներից՝ Beeline, Rostelecom, TTK, Redcom, Akado, Dom.ru, SmotryoshkaTV:
Մինչ այժմ այդ օպերատորների ցանցում հասանելի է միայն «Շանթ Պրեմիում» ալիքը. շուտով նույն ցանցում հասանելի կլինեն նաև մյուս ալիքները՝ «Շանթ Սերիալ», «Շանթ Մյուզիք», «Շանթ Նյուզ»:
–Խոսեցիք միջազգային շուկա դուրս գալու մասին, Ձե՞ր կողմից է եղել առաջարկ, թե՞ արտերկրից:
-Տևական ժամանակ տեսահենները գողանալով վերավաճառում էին մեր ալիքները (հատկապես` Եվրոպայում):
Մարդիկ հարյուրավոր դոլարներ էին վճարում այդ ալիքների դիմաց, բայց հետո մնում էին ձեռնունայն: Ծառայություններ մատուցողները անհետանում էին՝ գումարները նախապես գրպանելով ու հեռարձակումը դադարեցնելով:
Այս մասին բազմաթիվ բողոքներ եղան. շատերը չէին հասկանում, որ նմանօրինակ հեռարձակումները «Շանթ» հեռուստաընկերության հետ որևէ առնչություն չունեն:
Մեզ մոտ մտահղացում առաջացավ՝ ինչու մենք չիրականացնենք պաշտոնական հեռարձակում արտերկրում:
Մշակվեց հավելված, որը տալիս է հնարավորություն ամբողջ աշխարհում ապրող մեր հայրենակիցներին հետևել «Շանթ» հեռուստաընկերության հաղորդումներին և նախագծերին:
Կարևոր է նշել, որ այս հեռարձակման համար պատասխանատվությունն ամբողջովին իր վրա է վերցնում «Շանթ» հեռուստըանկերությունն ու երաշխավորում է՝ մարդիկ գումար չեն կորցնի, կդիտեն բարձր որակով արտադրանք՝ առանց 18+ կոնտենտի ռիսկի, առանց աղավաղված կադրերի:
Ի դեպ, հավելեմ, որ մեր կողմից հեռարձակումն իրականացվում է տասնյակ անգամ ավելի մատչելի, քան դա արվում էր տեսահենների կողմից:
-Իսկ հատկապես ո՞ր հաղորդումներն են հետաքրքրում դրսի լսարանին:
-Դրսում հատկապես հետաքրքրված են մեր երիտասարդական սերիալներով և սիթքոմներով: Օրինակ, եթե տեղացի հեռուստադիտողներին հավասարապես հետքրքրում են և տեղական արտադրանքը, և օրինակ հնդկական սերիալները, դրսում ապրող մեր հայրենակիցները, հավանաբար այն հետաքրքրությունից, թե ինչ է տեղի ունենում Հայաստանում, ավելի մեծ ոգևորությամբ հետևում են մեր արտադրանքին:
Հեռուստադիտողների մեծ բանակ ունի «Ժողովրդական երգիչ» նախագիծը, որի ժամանակ ունենում ենք դիտումների բարձր շեմը:
-Կարող ե՞նք ասել, որ Ձեր սպասելիքները լիովին արդարացվել են:
-Առաջ ենք գնում. դեռ վերջնական չենք ավարտել հավելվածի գործարկումը: Ժամանակ առ ժամանակ ստացվող նամակները, որոնք ինչ-ինչ խնդիրների մասին են, անմիջապես լուծում են ստանում:
Ունենք մի քանի տարբերակ, (նամակներ, զանգեր/հղում) որով բաժանորդնրը կարող են դիմել ու ստանալ իրենց հարցերի պատասխանները և տեխնիկական խնդիրների լուծումները:
Ամեն դեպքում, անընդհատ տեխնիկական վերազինման գործընթացի մեջ ենք, փորձում ենք օր օրի կատարելագործվել:
–Եվ վերջում՝ ի՞նչ նորությունների սպասենք առաջիկայում:
-Այս պահին մեզ հետաքրքրում է Ռուսաստանի Դաշնության շուկան. բացի ունեցած գործընկերներից, բանակցում ենք ևս մի քանի խոշոր կաբելային օպերատորների հետ:
Մոտ ժամանակներս համագործակցության ակնկալիքներ կան նաև Հոլանդիայի, Գերմանիայի և նման այլ երկրների հետ, որտեղ ունենք հայկական մեծ համայնքներ:
Հարակից նյութեր
