Ինչու՞ են ճապոնացի ամուսինները քնում տարբեր ննջարաններում
Ճապոնիայում որոշակի խնդիրներ կան բնակտարածքի հետ կապված: Ամեն դեպքում, թեև այդ պետությոնը գերզարգացած է, սակայն հեշտ չէ, համաձայնեք, 126 մլն մարդու մի քանի կղզու վրա ապահովել բնակտարածքով: Ու դրանով հանդերձ, ճապոնացի ամուսինները հաճախ նախընտրում են քնել առանձին սենյակներում: Մեզ համար դա տարօրինակ է, սակայն հարսանիքից հետո շատ զույգեր անմիջապես տեղավորվում են առանձին մահճակալներում: Ճապոնացիներն ունեն դրա պրագմատիկ բացատրությունը: Նախ անվիճելի է, որ ժամանակի ընթացքում ամուսինների միջև կիրքը մարում է: Ճապոնացիները սկսում են ամուսնուն վերաբերվել հարգանքով ու կարծես հարազատ մարդու, որի հետ պազապես ունեն շատ ընդհանրություններ:
Բացի այդ, ճապոնացիները հայտնի են նաև որպես մոլի աշխատասերներ: Հաճախ ամուսնու և կնոջ աշխատանքի ծանրաբռնվածությունը ու գրաֆիկները շատ տարբեր են լինում, ու որպեսզի չխանգարեն միմյանց՝ շուտ կամ շատ ուշ քնելով, նրանք քնում են տարբեր սենյակներում, պարզապես մյուսի քունը չխանգարելու համար:
Հաշվի առնեք նաև այն, որ միայնակ քնելու դեպքում չեն խանգարի մյուսի խռմփոցը կամ ոտքով հարվածները: Նաև սիրելիի հանգիստ քուն ունենալու իրավունքը հարգելով են ճապոնացիները գերադասում առանձին մահճակալներ ու առանձին ննջարաններ: Դա պարզապես հարգանք է ուրիշի առողջության ու հարմարավետության նկատմամբ: Հետագայում արդեն ի հայտ է գալիս առանձին քնելու ևս մեկ պատճառ: Բանն այն է, որ ճապոնացի մայրերը գերադասում են քնել երեխաների հետ:
Հայրերին մնում է ընտրել՝ միանա՞լ նրանց, թե՞ քնել առանձին: Հաճախ նրանք ընտրում են երկրորդ տարբերակը: Այժմ գիտնականներն ապացուցված են համարում, որ փոքր տարիքում ծնողների հետ քնելը օգտակար է երեխայի համար: Եվ այս բոլոր փաստարկները համադրելով՝ ամեն դեպքում երկակի զգացումներ են առաջանում. ի վերջո, ճի՞շտ են ճապոնացիները, թե՞ ոչ, քնե՞լ միասին ու նույն մահճակալում, թե՞ ոչ:
Աղբյուրը՝ shantnews.am