Երևանի բնակչուհի Հերմինե Եփրեմյանը 2 տարի առաջ «Արդշինբանկ»-ի Կոմիտասի մասնաճյուղում գրավադրել է ոսկյա զարդեր՝ քարերով մատանի և վզնոց:
SHAMSHYAN.com-ի թղթակցի հետ զրույցում Հ. Եփրեմյանն ասում էր, որ նոյեմբերի 9-ին ցանկացել է հետ վերցնել ոսկյա զարդերը՝ վճարելով ամբողջ գումարը, սակայն նրան են վերադարձրել ամբողջովին վնասված, քարերը պոկված ոսկյա մատանի և վզնոց:

Վերջինս դիմել է մասնաճյուղի կառավարիչին, ով ասել է, որ զարդերը իրենց պատասխանատվության տակ չեն եղել, իրենք ուղարկել են գլխամաս, որտեղ էլ պահվել է: Առաջարկել են, որ Հերմինեն այն ձուլի և այլ զարդ պատրաստի՝ հրաժարվելով պատասխանատվություն կրելուց: Հերմինեն այդ ամբողջ ընթացքը տեսագրել է, որը ներկայացնում ենք ձեր ուշադրությանը:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: