Մահացել է հայտնի ռուս նկարիչ-մոդելավորող Վյաչեսլավ Զայցևը։ Այս մասին հայտնում է REN TV-ն: Զայցևը ստամոքսային արյունահոսությամբ տեղափոխվել էր Մոսկվայի շրջանի հիվանդանոց, որտեղ էլ մահացել է վերակենդանացման բաժանմունքում:

2016 թվականին Զայցևի մոտ ախտորոշվել է Պարկինսոնի հիվանդություն։ Հիվանդության պատճառով հոդերի հետ կապված խնդիրներ են սկսվել։ Վերջին շրջանում Զայցևը հազվադեպ էր երևում հանրության առջև:

Զայցևը ՌՍՖՍՀ արվեստի վաստակավոր գործիչ է և Ռուսաստանի ժողովրդական արտիստ: Նա դարձավ առաջին խորհրդային և ռուս մոդելավորողը, ով իրավունք ստացավ ցուցադրել իր մոդելները Փարիզում բարձր նորաձևության շաբաթներին։ 1989 թվականին Զայցևը դարձել է Տոկիոյի «Աշխարհի հինգ լավագույն մոդելավորողների» գագաթնաժողովի հաղթող։ Նորաձևության դիզայները պարգևատրվել է Ռուսաստանի «Հայրենիքին մատուցած ծառայությունների համար» IV աստիճանի շքանշանով։ Հանրային բազմաթիվ մրցանակների դափնեկիր է: