Ջորջ Քլունին մեկ միլիարդ դոլարով վաճառել է բիզնեսը
Ջորջ Քլունին մեկ միլիարդ դոլարով վաճառել է իր բիզնեսը, գրում է EOnline-ը:
Դերասանը, Սինդի Քրոուֆորդի ամուսինն ու Մայք Մելդմանը վաճառել են թեքիլայի իրենց՝ Casamigos ապրանքանիշը։
Ապրանքանիշը գնել է բրիտանական Diageo ընկերությունը։
Ապրանքանիշն արագությամբ ճանաչում ձեռք բերեց աստղերի շրջանում։ Միայն այն, որ Քիմ Քարդաշյանն ու Քանյե Ուեսթը Բահամյան կղզիներում այդ թեքիլան խմելով են նշել ռեփերի ծննդյան տարեդարձը, շատ բանի մասին է խոսում։
Թեքիլայի ապրանքանիշն ընկերները հիմնել են չորս տարի առաջ՝ Սինդի Քրոուֆորդի ամուսին Ռենդի Գերբերը, Մայք Մելդմանն ու Ջորջ Քլունին։
«Եթե չորս տարի առաջ հարցնեիք՝ արդյոք մեկ միլիարդ եկամուտով ընկերություն ունեք, մենք բացասական պատասխան կտայինք։ Դա արտացոլում է մեր ընկերությանը Diageo-ի հավատը։ Սակայն մենք չենք հեռանում. դեռ Casamigos-ի մի մասը կլինենք՝ սկսած այսօրվա երեկոյից»,– ասել է Քլունին։