ԿԸՀ որոշմամբ՝ Լևոն Քոչարյանը ԱԺ «Հայաստան» խմբակցության մանդատ ստացավ։

«ԿԸՀ-ն արձանագրում է, որ ԱԺ «Հայաստան» դաշինքի մանդատը տրվում է հերթական հաջորդ թեկնածու Լևոն Ռոբերտի Քոչարյանին»,-ասաց ԿԸՀ նախագահ Վահագն Հովակիմյանը։

Հիշեցնենք, որ ԱԺ «Հայաստան» խմբակցության պատգամավոր Արմեն Չարչյանը ԱԺ նախագահին էր ներկայացրել մանդատից հրաժարվելու դիմում։

«Հայաստան» դաշինքի համամասնական ցուցակում ընդգրկված հերթական հաջորդ թեկնածուները՝ Միհրան Մադաթյանը, Անժելա Նալբանդյանը, Գերասիմ Վարդանյանը ԿԸՀ էին ներկայացրել ինքնաբացարկի դիմումներ։

Այսպես պատգամավորական մանդատը փոխանցվել է դաշինքի համամասնական ցուցակի հերթական հաջորդ թեկնածու Լևոն Քոչարյանին։