Ջրահարսի հեքիաթը սկիզբ է առնում հայ արքայադուստրի մասին առասպելի՞ց
Հայ արքայադուստր Մելուսինա-Մելիսանդայի առասպելից է սկսվում եվրոպական ամենահռչակավոր հեքիաթներից մեկը՝ Ջրահարսի մասին, որն իր ավարտուն դասական տեսքը ստացավ Հանս-Քրիստիան Անդերսենի գրչի տակ։ Այս պատմությունը դեռ սպասում է իր հետազոտողին,նշեմ միայն, որ ֆրանսիական վաղ աղբյուրներում դեռ նշվում էր, որ ամիսը մեկ օր ջրահարս դարձող արքայադուստրը Լուզինյան արքունիկից էր։ Ուշադրություն դարձրեք հեքիաթային մոտիվներով այս մանրանկարում արքայադստեր ամրոցի պատի վրայի գրվածքին։ Կիլիկյան Հայաստանը Եվրոպայի անբաժան մասն է հանդիսացել. 15-րդ դարի սկզբի այս ուշագրավ ֆրանսիական մանրանկարը մի հատված է 1401-1405 թթ. ստեղծված «Մելուսինայի Վիպերգ» (Le Roman de Mélusine) հանրահայտ ձեռագիր մատյանից, որը պահվում է Ֆրանսիայի ազգային գրադարանում: Այն պատկերում է Լուսինյան հարստության հաստատումը Կիլիկյան Հայաստանում, երբ 1343 թվին Գի Լուսինյանը գահ բարձացավ իբրև Կոստանդին Գ Հայոց թագավոր: Մանրանկարին կից գրությունը հետևյալն է. «Ամրոցում պատսպարված Հայաստանի (Կիլիկիայի) թագի hանձնումը Գիյոմ Լուսինյանին»:
Աղբյուրը՝ facebook.com