Երազ այգու տարածքում երեկ երեկոյան արտակարգ դեպք է տեղի ունեցել: Մեր աղբյուրի հաղորդմամբ՝ ժամը 21:00-ի սահմաններում ուժեղ քամու և անձրևի ժամանակ, «Երազ» այգում գործող հսկա բատուտը քամուց կողաշրջվել է. այդ պահին ատրակցիոնի ներսում երեխաներ են եղել: Ականատեսի խոսքով՝ խուճապ է սկսել. ծնողները չեն կարողացել անմիջապես դուրս հանել երեխաներին, սկսել են լաց լինել, օգնություն կանչել:

Հարակից սրճարանների աշխատակիցներն ու անցորդները փորձել են օգնություն ցույց տալ ոչ միայն բատուտի ներսում մնացած երեխաներին, այլև տարածքում գտնվող մյուսներին, ովքեր վախեցել են այդ տեսարանից: Րոպեներ անց դեպքի վայր է ժամանել նաև շտապ օգնության ծառայությունը:

HotNews.am