Տիբեթում համոզված են, որ երեխաների դաստիարակությամբ պետք է զբաղվել մինչև նրա 15 տարեկանը, դեռահասության տարիքում երեխան արդեն ձևավորված է որպես մարդ, և նրան դաստիարակելն այլևս իմաստ չունի:

Մինչև հինգ տարեկանը երեխային չի կարելի ոչինչ արգելել. կյանքի ընկալումը երեխայի կողմից ձևավորվում է հենց այդ ժամանակ: Եթե փոքր տարիքում երեխային շատ են պատժում, ապա նա ոչ թե սովորում է ինչ-որ բան անել կամ չանել, այլ հնազանդվել նրան, ով ավելի ուժեղ է իրենից: Ուստի երեխան իր կյանքում հնազանդ կլինի:

5-10 տարեկանում երեխայի նկատմամբ պետք է պահանջկոտ լինել, նրա առջև խնդիրներ դնել և պահանջել դրանց լուծումը: Հենց այս տարիքում է լավագույնս զարգանում երեխայի ինտելեկտը:

10-15 տարեկանում պետք է խրախուսել երեխայի ինքնուրույնությունն ու քննադատական մտածողությունը: Իսկ եթե ծնողը վախենում է, որ երեխան կսխալվի, պետք է ոչ թե պարտադրել կամ արգելել, այլ քննարկել և բացատրել նրան:

Աղբյուրը՝ life.panorama.am