Ամերիկյան Apple ընկերությունն առաջին անգամ պաշտոնապես ցուցադրել է սմարթֆոնների նոր շարքը ՝ iPhone 14 և iPhone 14 Max։ Նորույթներն առաջին անգամ պաշտոնապես ցուցադրել են ընկերության աշնանային շնորհանդեսի ժամանակ, որը հեռարձակվում է YouTube-ում:

Շարքի հիմնական փոփոխությունը 5,4-դյույմանոց iPhone mini-ից հրաժարվելն է։ Այժմ երկրորդ մոդելը iPhone 14 Plus-ն է։ Գաջեթը ստացել է նոր մեծ 6,7-դյույմանոց էկրան, նույնն է, ինչ Pro Max-ը։ Apple-ում հավաստիացրել են, որ iPhone 14 Plus-ը կունենա մարտկոցի նույնքան երկար կյանք, որքան Pro Max-ը։

Շնորհանդեսի համաձայն՝ iPhone 14-ը և iPhone 14 Plus-ը հագեցած են A15 չիպով՝ վեց միջուկներով: Նման տարբերակը նախկինում օգտագործվել է iPhone 13 Pro-ում։

Մոդելներից յուրաքանչյուրը համալրված է երկու տեսախցիկով։ Apple-ն ասում է, որ 12 մեգապիքսել հիմնական տեսախցիկը նոր սենսորով ավելի շատ լույս է գրավում և ավելի լավ պատկերներ է ստեղծում հատկապես թույլ լույսի պայմաններում:

Նմանատիպ բարելավումներ են ավելացվել առջևի տեսախցիկի վրա: Նաև առջևի տեսախցիկում առաջին անգամ հայտնվել է ավտոֆոկուսը:
Մանրամասները՝ տեսանյութում։