Հավելվածներ, որոնք հնարավորություն են տալիս դիտել նորություններ և սերիալներ բջջային հավելվածների միջոցով
Քաղաքական վերջին իրադարձությունները եկան ապացուցելու, որ օնլայն մեդիան պատրաստ է հավասարը հավասարի պես մրցել ավանդական ԶԼՄ-ների հետ: Հիմա արդեն տեղեկատվությունը բոլորի գրպանում է. հարկավոր է ընդամենը դառնալ դրա կրողը՝ բեռնել ու հետևել:
Տեղեկատվությունն ստանդարտից դուրս ներկայացնելու և մրցունակության մեջ մնալու համար հեռուստաընկերություններն օգտագործում են նորագույն տեխնոլոգիական միջոցներ: Սրա վառ օրինակն, իհարկե, հավելվածներն են, որոնք հաստատուն քայլերով մուտք են գործում հայկական իրականություն:
Հավելվածներից մի քանիսը ոչ միայն համապատասխանում են միջազգային լավագույն չափանիշներին, այլ նաև կարող են օգտակար լինել թիրախային ամենատարբեր լսարանների համար։
BeeTV
BeeTV հեռուստատեսային հավելվածն, օրինակ, հնարավորություն է տալիս կտրվել էկրաններից և հեռախոսների, պլանշետների կամ շարժական այլ սարքերի միջոցով մեկ հարթակում հետևել միանգամից մի քանի տասնյակ հեռուստաալիքների:
Այս առաջարկն իրականացվում է Beeline օպերատորի միջոցով, որն իր բաժանորդներին առաջարկում է 10-ից 100 հեռուստաալիք՝ կախված նրանից, թե ինչ սակագնային փաթեթից են նրանք օգտվում և ամսական որքան գումար են վճարում:
BeeTV բջջային հավելվածը հասանելի է բացառապես Belline-ի բաժանորդների համար, iOS 7.0 և Android 4.1 օպերացիոն համակարգերով աշխատող բոլոր սմարթֆոնների և պլանշետների համար:
Հավելվածը հասանելի է ինչպես App Store-ում, այնպես էլ՝ Google Play-ում:
ARM TVs
Հավելվածներից հաջորդն ARM TVs-ն է, որը արտասահմանյան հեռուտաալիքներ ներառելու փոխարեն, առաջարկում է մեկ հարթակում հետևել տեղական 8 հեռուստաալիքի, որից 4-ը Շանթ Պրեմիում HD ալիքներն են, մյուսները՝ հայկական վարկանշային այլ ալիքներ:
Հավելվածն առաջարկում է հետևել բոլոր հաղորդումներին HD որակով, հնարավորություն է տալիս օգտվել եռօրյա Catch up հրահանգից:
Ի դեպ, այս հավելվածի գործարկման համար չկա օպերատորների որևէ սահմանափակում. կարելի է դառնալ հավելվածի բաժանորդ անկախ բջջային օպերատորի ընտրությունից: Բացի դա, այն հասանելի է աշխարհի բոլոր անկյուններում:
Հավելվածը հասանելի է ինչպես App Store-ում, այնպես էլ՝ Google Play-ում: Հավելվածն առայժմ գործում է անվճար սկզբունքով:
Mediaroom
Mediaroom հեռուստատեսային հավելվածը Ucom օպերատորի կանխավճարային բաժանորդներին առաջարկում է նվազագույնը 53 արտասահմանյան և տեղական ալիքներ:
Հավելվածն առաջարկում է նաև՝
- Catch up-ի 2 օրյա հնարավորություն
- Հաղորդումների էլեկտրոնային ցանկ:
Հավելվածից օգտվելու համար անհրաժեշտ է դառնալ այն գործարկող Ucom օպերատորի փաթեթներից որևէ մեկի բաժանորդ, ամսական կատարել համապատասխան վճարումներ և օգտվել հավելվածից:
1TV Armenia
Բջջային հավելվածով հաղորդումներ, սերիալներ դիտելու և նորություններին հետևելու տարբերակ առաջարկում է նաև Հանրային հեռուստաընկերույթունը:
Լրահոս, տեսանյութեր, տեքստային նորություններ, հաղորդումներ, ինչպես նաև ուղիղ եթերի հնարավորություն– սրանք այն գործառույթներն են, որոնցից կօգտվեք հավելվածը ներբեռնելու դեպքում:
Նշենք, որ հեռուստաընկերության հավելվածն ի տարբերություն մյուս հավելվածների, ներառում է միայն Առաջին ալիքը:
Հավելվածը կարող եք ներբեռնել ինչպես App Store, այնպես էլ Google Play տիրույթներից:
«Ազատություն» RFE/RL
Լրատվություն և հաղորդումներ դիտելու համար արդյունավետ հարթակ է նաև «Ազատություն» ռադիոկայանի բազմալեզու բջջային հավելվածը: Այս հավելվածը ևս նախորդի պես ներառում է բացառապես մեկ առաջարկ և չի ներառում այլ ռադիոկայաններ կամ հեռուստաընկերություններ:
Հավելվածը բաղկացած է 3 հիմնական բաժնից՝ աուդիո, վիդեո և լուրեր:
Այստեղ բաժանորդներին հնարավորություն է տրվում ստեղծել անհատակացաված լրահոս. այսինքն՝ բաժանորդը կարող է ընտրել այն ենթաբաժիններն ու տարածաշրջանները, որտեղից ստացվող լուրերն ու տեղեկատվությունն իր համար ամենից հետաքրքիր են ու առաջնահերթ:
Հավելվածը հասանելի է ինչպես App Store, այնպես էլ Google Play տիրույթներում:
Հարակից նյութեր
