Հայտնի կոլումբացի երգչուհի Շակիրան ընդմիշտ հեռացել է Բարսելոնայից։ Իսպանիայի հավաքականի և «Բարսելոնայի» նախկին պաշտպան Ժերար Պիկեի նախկին կինը երեխաների՝ Միլանի և Սաշայի հետ տեղափոխվել է Մայամի։

Շակիրան մեկնելուց սոցիալական ցանցերում հաղորդագրություն է թողել Պիկեին.

«Շնորհակալ եմ նրանց, ովքեր ինձ սովորեցրել են, որ ընկերությունն ավելի երկար է տևում, քան սերը»:

Շակիրան և Պիկեն բաժանվել են 2022 թվականին, երբ 12 տարվա համատեղ կյանքից հետո երգչուհին իմացել է ամուսնու դավաճանությունների մասին։