ARENA_բլից. «Իմ կինը չի կարող ամենաերջանիկը լինել, քանի որ նրա կողքին ես եմ». Նիկոլայ Եղիազարյան
ArenaNews.am կայքի ավանդական շարքում այս անգամ բլիցել է դերասան Նիկոլայ Եղիազարյանը:
–Եվ այսպես, Նիկոլայ, սկսեցինք,
Օրվա ընթացքում ամենաշատը որքա՞ն գումար կարելի է ծախսել:
-Որքան անհրաժեշտ է:
–Ի՞նչ անել, եթե բլոտի խաղընկերը 4 տուզ ունենալու դեպքում, ոչինչ չի խոսում:
– Միգուցե կորցրել է խոսելու ունակությունը:
–Դրամապանակի վերջին գումարով խրախճանք անենք, թե՞ պահենք նեղ օրվա:
– Դրանից այն կողմ նեղ օր չկա, մնում է միայն խրախճանք անել:
–Վատ դրության մեջ հայտնվելիս առաջին մարդն ում զանգահարում եք:
– Պարզապես անջատում եմ հեռախոսս:
–Տղամարդիկ ինքնավստահ են, երբ..
– Ոչ մի դեպքում չեն կորցնում իրենց տղամարդկային հատկությունները:
–Ի՞նչ կարող են մարդիկ սովորել Ձեզնից:
– Ինչ կարող են:
–Որևէ ապրանք, որ գրել եք ապառիկով:
– Դեռ չունեմ:
–Ձեռքներդ դրեք խղճին ու ասեք՝ մի ուտեստ, որը Ձեր կնոջ մոտ այդքան էլ լավ չի ստացվում:
–Մի քանի օր առաջ պատրաստած խինկալին:
–Ի՞նչը կարող է ափերից հանել հավասարակշված տղամարդուն:
– Անհավասարակշիռ կինը և կանացի «տղամարդը»:
–Ո՞ր հաղորդման համար արժե հեռուստացույց միացնել:
«Չակերտներ»:
–Գեղեցկուհի կին ունենալու 100 առավելություններից, 2-ը:
– Այդ երկուսը գաղտնիք է:
–Դուք կվարեք opel մակնիշի մեքենա միայն այն դեպքում, եթե..
– Եթե ունենայի:
–Հայ դերասանուհի, ում հետ խաղալը մեծ պատիվ կլինի Ձեզ համար:
– Ում հետ պատիվ եմ ունեցել խաղալու…
–Հայաստանին ի՞նչ է պակասում:
– Հոգևոր Հայաստանը:
–Քանի՞ օր կկարողանաք ապրել պետության կողմից հաստատված նվազագույն աշխատավարձով:
-Ես դեռ շարունակում եմ ապրել:)))
–Երգ, որն այս պահին կգա Ձեր մտքին:
– Ֆորշ «Կառապան»:
–Ո՞ր խմիչքն է կարողանում Նիկոլայի սթափությունը թողնել անցյալում:
-Միայն այն դեպքում, եթե բոլոր խմիչքներն իրար խառնած լինեմ:
–Ձեր կինն ամենաերջանիկն է, որովհետև..
-Իմ կինը չի կարող ամենաերջանիկը լինել, քանի որ նրա կողքին ես եմ:))
–Եվ վերջում՝ մի հարց, որ Դուք էլ մեզ կտայիք:
–Քանի՞ օր կկարողանաք ապրել պետության կողմից հաստատված նվազագույն աշխատավարձով:
–Օֆ աման, եսիմ է)) Երկու շաբաթ ապրում եմ))) (հեղ.)