ARENA- բլից. «Երբեմն ստիպված եմ շփվել մարդկանց հետ, որոնք ինձ բացարձակ հաճելի չեն…». Արսեն Ջուլֆալակյան
ArenaNews.am կայքի ավանդական շարքում այս անգամ բլիցել է Օլիմպիական խաղերի արծաթե մեդալակիր, աշխարհի ու Եվրոպայի չեմպիոն, հունահռոմեական ոճի ըմբիշ Արսեն Ջուլֆալակյանը:
–Եվ այսպես, Արսեն, սկսեցինք,
Այս շոգին երեկոյան դիմահարդարմամբ աղջիկ տեսնելիս ինչի՞ մասին եք մտածում, բացի գլոբալտաքացումների ծանր հետևանքներից:
– Ափսոսում եմ, որ առ այսօր չեն գիտակցում բնականի գեղեցկությունն ու արժեքը:
-Լավ ամուսին ե՞ք:
–Փորձում եմ լինել։ Միշտ էլ ավելիին ձգտելու տեղ կա
–Ի՞նչ կհաղթի կյանքում հերոսին, թե չլինեն կինն ու գինին:
– Այն ամենը, ինչից կա չափից դուրս, անհաղթահարելի կախվածություն…
–Ու՞մ կարելի է վստահել սեփական մեքենան:
–Հարազատ մարդու, ով միաժամանակ լավ վարորդ է:
–Սևանում հագուստով փաթաթված են լողում կանայք, ովքեր…
-ճիշտն ասած, ոչ մի կերպ չեմ կարողանում ըմբռնել լողալու նման ձևը 21-րդ դարում՝ բացառությամբ իհարկե, երբ արևից արդեն այրվել են, բայց լողալու գայթակղությունը մեծ է)
-Արսեն և ուժեղ եք, և խելացի, բա հետո էլ ասում են՝ երկու երնեկ մի տեղ չի լինում:
-Չեմ կարծում, որ նման օրինակներ քիչ են։ Ձգտում եմ ավելացնել երնեկների քանակը))
-Ու՞մ տուն կգնայիք խուզարկության, եթե լինեիք ԱԱԾ-ից:
–Չեմ պատկերացնում, թե ինչը կստիպեր ինձ, որ նման շեշտակի մասնագիտական փոփոխության գնայի (շատ կարևորելով հանդերձ այդ կառույցը…)։
Վստահ եմ, ԱԱԾ-ն բոլորիցս էլ լավ տիրապետում է, թե ում տներն են պետք խուզարկել։ Եթե չէ, սոց կայքերից կարող է իմանալ. չէ որ մեր երկրում բոլորը բոլորից տեղյակ են)))
–Ձեր՝ խոհանոցում հայտնվելուց, զգուշանանք, թե՞պատրաստվենք համեղ սնվելու:
-Վստահաբար կարող եք թուլանալ և վայելել)
-Հայաստանում հաջողության հասնելու համար, անհրաժեշտ է…
-…Այն բոլոր ջանքերը, որոնք պետք են քիչ թե շատ կայացած բոլոր պետություններում՝ բազմապատկած առնվազն երեքով:
–Կնոջ տգեղը լինու՞մ է:
– Ամեն ինչի տգեղն էլ լինում է:
-Քաղաքական վերջին զարգացումներից հետո՝ համաձա՞յն եք, որ մահապատիժը՝ որպես պատժի տեսակ, վերականգնվի:
-Միանշանակ, Ո՛Չ։ Գոյություն չունի մի մահկանացու, ով իրավասություն ունենա մահապատժի վճիռ կայացնելու։ Ծանր հանցանք կատարածներին պատժելու բազմաթիվ մեթոդներ կան, որոնք ավելի ճիշտ եմ համարում։ Մահապատիժը ցանկացած դեպքում պետք է բացառել։
–Կհիշե՞ք՝ վերջին անգամ ե՞րբ եք թաղային «վեճի» մասնակցել:
– Չեմ կարող նույնիսկ հիշել։ Երևի շատ-շատ վաղուց է եղել։
–Առանց հումորի զգացումի մարդուց վատ բան, մեկ էլ…
–…Անդաստիարակ մարդն է:
-Ո՞ր դեպքում եք թողնում, որ հաշիվը կինը փակի:
– Երբ զգում եմ, որ ինքս հաշիվը փակելով, խորապես կվիրավորեմ այդ կնոջը…
–Մի բան, որն անում եք ստիպողաբար:
-Ստիպում եմ ինքս ինձ միշտ կատարելագործվել՝ չնայած, դրանից հաճույք եմ ստանում։ Երբեմն ստիպված եմ շփվել մարդկանց հետ, որոնք ինձ բացարձակ հաճելի չեն…
–Որևէ տեղ, որտեղ Դուք Ձեզ զգում եք, ինչպես ձուկը ջրում:
-Եթե միայն մեկ տեղ նշեմ,ապա սպորտ)
-Ո՞ր շարքում էիք բախտ բաժանելուց:
–Կդժվարանամ ասել հաջողություններիս/ձեռքբերումներիս մեջ քանի տոկոսն է «բախտը», քանիսը աշխատասիրությունը, նպատակասլացությունն ու համառությունը:
–Եվ վեջում մի հարց, որ Դուք էլ մեզ կտայիք:
–Հարցս ավելի շատ հռետորական է, կարող եք և չպատասխանել) ինչի՞ց է, որ հայերիս մեջ այդքան շատ են «էքսպերտները», հատկապես սոց. ցանցերում։) կարծում եմ՝ արժի ազգովի մտորել այդ մասին:
-…. (հեղ.)
Հարակից նյութեր
