Հարավկորեական LG Electronics Inc ընկերությունը հայտարարել է բջջային հեռախոսների շուկայից հեռանալու մասին՝ կորստով աշխատանքի և բարձր մրցակցության պատճառով։ Այս մասին գրում է Yonhap գործակալությունը։

Ընկերությունը քննարկել է սմարթֆոնների արտադրության վաճառքը վիետնամական Vingroup կոնգլոմերատի և գերմանական Volkswagen ավտոկոնցեռնի հետ, սակայն համաձայնության հասնել չի հաջողվել։
LG-ի բջջային բիզնեսը սկսել էր կորուստներ կրել 2015 թվականից, իսկ անցած տարի վնասի ընդհանուր չափը հասել է 4․4 մլրդ դոլարի։ Ընկերությունն արդեն սառեցրել է ճկուն դիսփլեյներով սմարթֆոնների մշակումը։