Եգիպտացորենի մատղաշ հատիկները եգիպտացորենի հիմնական համն են ապահովում: Եգիպտացորենը հասանելի է համարյա ողջ տարին, սակայն մատղաշն ու հյութալիների սեզոնը օգոստոս և սեպտեմբեր ամիսներն են:

Նախ ինչպես ընտրել լավ եգիպտացորեն.

1. Որքան դեղին է եգիտպացորենը, այնքան այն հին է: Միշտ ընտրեք բաց դեղնավուն հատիկներով եգիպտացորեն

2. Դեղին և չորացած տերևները խոսում են այն մասին, որ եգիպտացորենը վաղուց են քաղել: Մի գնեք դրանք: Մի գնեք նաև առանց տերևների եգիպտացորեն, ընտրեք կանաչ, թարմ տերևներով:

3. Եգիպտացորենի հատիկները պետք է լինեն փափուկ և առանց փոսիկների: Եթե սեղմելիս հատիկից միջից հեղուկ է դուրս գալիս, ուրեմն արժե գնել:

Ինչպես պատրաստել՝

1. Մաքրեք եգիպտացորենը տերևներից և մանր թելիկներից:

2. Եգիպտացորենի թելիկները դրեք կաթսայի մեջ, վրան շարեք եգիպտացորենի տերևները, այնուհետև եգիպտացորենը, եթե այն մեծ է, կարող եք հավասար մասերի բաժանել:

3. Եգիպտացորենը ծածկել տերևներով և դնել ուժեղ կրակի վրա: Եփել 30 րոպե, իսկ կաթսան կափարիչով չծածկել:

Ավելի մանրամասն՝ տեսանյութում: