Ռուս կնոջը զարմացրել է մեքսիկացիների տարօրինակ ճաշակը
Ծնունդով Մագադանից ռուս կինը, ով տեղափոխվել է Մեքսիկա, զարմացել է տեղի երեխաների և մեծահասակների համային տարօրինակ նախասիրություններով։ Նա Lenta.ru-ին պատմել է արտասահմանյան կյանքի տպավորություններով։
Մարիա Տիմոշենկոն ամուսնու և դուստրերի հետ ապրում էր Սանկտ Պետերբուրգում և երազում ոսկե ավազի ու տաք արևի մասին։ Հոգնած ձանձրույթից և ցրտից՝ ընտանիքը որոշեց տեղափոխվել Մեքսիկա։ Ռուս կինը պատմել է, որ իրեն հաճելիորեն զարմացրել է տեղի բնակիչների կրթական մակարդակն ու մտածելակերպը՝ նրանք նվիրված են ընտանիքին, տոներին ու հանգստյան օրերին հավաքվում են հարազատների, ընկերների շրջապատում։ Նրա խոսքով՝ մեքսիկացիները գիտեն՝ ինչպես վայելել կյանքը և ոչ մի տեղ չշտապել։
Մեքսիկացիների անսովոր համերը Մարիայի համար անակնկալ են եղել։
«Մեքսիկական խոհանոցում կան նաև առանձնահատկություններ, որոնց մենք դեռ չենք կարողանում վարժվել: Օրինակ, այստեղ գրեթե բոլոր քաղցրավենիքները չիլիի համով են, և երեխաները նույնիսկ միտումնավոր պղպեղ են շաղ տալիս դրանց վրա։ Գարեջուրը սովորական սառը ըմպելիք է: Տեղացիները դրան ավելացնում են լայմ, սոդա կամ տաբասկո սոուս։ Միևնույն ժամանակ, խանութներում սովորական կաթնաշոռ, կեֆիր կամ ծովատառեխ անհնար է գտնել»,-ասում է նա: