Հոգեթերապևտը հայտնել է, թե քանի օր արձակուրդ է պետք մարդուն առողջ հոգեվիճակի համար
Հոգեկան և նյարդային վիճակը լիովին վերականգնելու համար մարդուն անհրաժեշտ է տարեկան 21-28 օր արձակուրդ։ Հանգստի նման օպտիմալ տևողության մասին խոսել է Medicina JSC-ի հոգեթերապևտ Միխայիլ Կումովը, նրան մեջբերում է Gazeta.ru-ն։
«Ավելի քիչ օրերն ի վիճակի չեն լավ հանգիստ ապահովելու, քանի որ մարդ ժամանակ չի ունենում հանգստի անցնելու, այնուհետև սահուն աշխատանքի վերադառնալու համար»,- պարզաբանեց մասնագետը։
Նա խորհուրդ է տվել նախօրոք արձակուրդ պլանավորել՝ խուսափելու համար սթրեսային իրավիճակներից, որոնք կապված են տոմսեր ձեռք բերելու և հյուրանոց ընտրելու հետ։
Ըստ Կումովի՝ մարդու հանգստի տեսակը կախված է նրա գործունեության տեսակից. եթե նա զբաղվում է ֆիզիկական աշխատանքով, ապա կարևոր է քնել և պառկել, բայց եթե մարդ մտավոր աշխատանք է և կատարում, անընդհատ սթրես է ապրում աշխատանքի ընթացքում, ցանկալի է, որ նա անցնի ակտիվ հանգստի և ամբողջությամբ անջատվի աշխատանքային գործընթացներից:
Հոգեթերապևտն ընդգծել է, որ արձակուրդում չի կարելի աշխատանքով զբաղվել, չավարտված ծրագրեր ձեռնարկել և իր առաջ որոշակի խնդիրներ դնել, քանի որ հակառակ դեպքում մարդը չի կարողանա թոթափել սթրեսը։