Սաուդյան Արաբիայի առաջնության առաջատար «Ալ Հիլալի» բրազիլացի հարձակվող Նեյմարը ցնցել է երկրպագուներին: Նրանք տեսել են, թե ինչպես է ֆուտբոլիստը փոքրիկ դստեր ծննդյան արարողության ժամանակ պոկեր խաղում, հայտնում է Daily Mail-ը:

Հանդիսավոր երգի ժամանակ 32-ամյա Նեյմարը, որը գրկած է եղել փոքրիկին, շրջվել է մի կողմ, որպեսզի քայլ կատարի առցանց խաղում: Այս արարքը դուր չի եկել շատ մարդկանց: Մի քանի երկրպագուներ տեսանյութը տարածել են համացանցում:

Ավելի վաղ Բրազիլիայի հավաքականի ռմբարկուն հայտարարել էր, որ ֆուտբոլիստի կարիերայի ավարտից հետո պատրաստվում է պրոֆեսիոնալ կերպով զբաղվել պոկերով:

Հիշեցնենք, որ Նեյմարը շարունակում է վերականգնվել ծանր վնասվածքից, որը ստացել էր 2023-ի հոկտեմբերին: