Վերլուծաբանները կանխատեսել են Արևելյան Ասիայի տնտեսության ապագան
Առաջիկա երկու տարվա ընթացքում Արևելյան Ասիայի տնտեսական աճը կդանդաղի։ Այս կանխատեսումը տվել են Համաշխարհային բանկի (ՀԲ) վերլուծաբանները։
2024 թվականին տարածաշրջանի ՀՆԱ-ի աճը կկազմի 4,5%, իսկ 2025 թվականին՝ 4,3%։ Համեմատության համար նշվում էչ, որ անցած տարեվերջին այդ ցուցանիշը կազմել է 5,1%:
Այս դինամիկան մեծապես պայմանավորված է համաճարակից հետո Չինաստանի տնտեսության դանդաղ վերականգնմամբ, ասում են փորձագետները։ Բնակարանային շուկայի փլուզումից հետո երկիրը հայտնվել է պարտքի ծուղակում։ Մոտ ապագայում Չինաստանի տնտեսությունը սպառնում է ընկղմվել «հաշվեկշռային ռեցեսիայի» մեջ։
Այլ գործոններից են զարգացած երկրների պաշտպանողական քաղաքականությունը, որոնք Արևելյան Ասիայի հիմնական շուկաներն են։ Խոսքը մասնավորապես ԱՄՆ-ի, Հարավային Կորեայի ու Ճապոնիայի մասին է։
Համաշխարհային բանկի զեկույցի համաձայն՝ Թաիլանդն այժմ տարածաշրջանի երկրներից ամենաանկայուն վիճակն ունի։ Ֆիլիպինները, Վիետնամը և Կամբոջան իրենց ավելի վստահ են զգում։