Այսօր Մշակութային՝ «A21TV» հեռուստաընկերության ծննդյան 5-րդ ամյակն է:  Մշակութային հեռուստառադիոընկերության հիմնադիր, տնօրեն Արթուր Հակոբյանը մանրամասներ է պատմել հեռուստաընկերության ստեղծման ու դժվար ճանապարհի մասին:  

–Արթուր,հետաքրքիր է՝ Մշակութային ալիքի հիմնադրման գաղափարը ինչպես առաջացավ.

-Գիտեք, եթե ասեմ, որ երկար եմ մտածել՝ արդյոք մարդկանց դուր կգա, թե ոչ, իհարկե կստեմ: Մեկ շաբաթվա որոշում է եղել, ես տեսնում էի, որ հայկական հեռուստատեսություններով  չկան համապատասխան՝ մանկական, կրթական, զարգացնող, մշակութային հաղորդումներ, որոք կբավարարեին նաև իմ հետաքրքրությունները:  2013-ի վերջին և  2014-ի սկզբին հիմքը դրվեց ARTTV Մշակութային ալիքին, որը մի քանի տարի անց վերաբրենդավորվեց և լրիվ փոխեց իր կատեգորիան դառնալով ներկայիս Մշակութային ալիքը:

–Ո՞րն է եղել Մշակութային ալիքի առաջին հաղորդումը,որը եթեր եք հեռարձակել.

-Անցել է 5 տարի,բայց այսօրվա պես եմ հիշում անգամ ժամն ու վայրկյանը,որ  հեռարձակվեց  «Drawing» հաղորդումը: Ասեմ  նաև ժամն ու վայրկյանը՝ 13:00:03. Ինձ համար չափազանց կարևոր էր մեկնարկային ծրագիրը,որը տվյալ պարագայում եղավ «drawing» հաղորդումը,որը կարծում եմ սիրեցին մարդիկ:

-Մշակութային ալիքի առաջին հաղորդավարը.

-Օհհ չեմ հիշի,թե ո՞վ էր,բայց  վստահելով հիշողությանս՝ Դինա Ակոպովնա:

Եթե չլիներ Մշակութային ալիքը՝ ապա….

Ապա ես  չէի լինի այն ինչ կամ: (Կատակում է) Մշակութային ալիքը ինձ  կրթել է, կրթում է ու կկրթի:

-Եթե հանկարծ աչքաթող անեք ալիքը և եթերով  սկսի հնչել ռաբիզ երաժշտություն ու սկսվեն քննադատություններ. ի՞նչ կանեք

-Կփակեմ Մշակութային ալիքն ու ինքնասպան կլինեմ: (Կատակում է)